Leonardo da yığmamıza çarə tapa bilmir

23.06.2014 - 09:23

Kişi voleybolçular arasında Avropa Liqasının V və VI turunun oyunları keçirilib. Apasport.az saytının məlumatına görə, bu qarşılaşmalarda Azərbaycan millisi Yunanıstan yığmasının qonağı olub.

Sillie Tabares Leonardonun başçılıq etdiyi komandamız bu dəfə də qələbəyə həsrət qalıb. Düzdür, voleybolçularımız yunanlarla ilk dueldə 2:1 hesabı ilə önə keçiblər. Lakin bu onların qalib gəlməsinə kömək etməyib və millimiz 1 xalla kifayətlənib.

İkinci matçda isə yunanlar daha asan qələbə qazanıb.

Beləliklə, VI turdan sonra Azərbaycan yığması son pillədən qurtula bilməyib. Əvəzində komandamızdan güclü olan Yunanıstan qrup liderliyini ələ alıb.

Yığmamız növbəti 2 görüşdə Monteneqro voleybolçularının qonağı olacaq. Oyunlar iyunun 28-ə və 29-a təsadüf edəcək.

A qrupu

V tur

Yunanıstan – Azərbaycan – 3:2 (25:15; 26:28; 22:25; 25:17; 15:10)

Hakimlər: Dobromir Dobrev (Bolqarıstan), Stefano Çezare (İtaliya)

Saloniki, İdman Sarayı

Rumıniya – Monteneqro – 3:1 (20:25; 25:20; 25:22; 25:18)

VI tur

Yunanıstan – Azərbaycan – 3:1 (25:17; 23:25; 25:20; 25:16)

Hakimlər: Stefano Çezare (İtaliya), Dobromir Dobrev (Bolqarıstan)