Kişi voleybolçular arasında Avropa Liqasında ilk 2 turun oyunları baş tutub. Apasport.az saytının məlumatına görə, Azərbaycan millisinin istirahət etdiyi qarşılaşmalarda rəqiblərimiz bir-birini sınağa çəkiblər.

Belə ki, Monteneqronu qəbul edən Polşa millisi hər 2 görüşdə məğlub olublar – 2:3 (12:25; 25:21; 17:25; 26:24; 10:15); 1:3 (25:27; 25:23; 14:25; 20:25). Qrupumuzun digər oyununda isə Rumıniya voleybolçuları Yunanıstan yığmasına 1 matçda qalib gəlib (3:2; (25:18; 22:25; 23:25; 25:16; 16:14)), digərində “quru hesabla” uduzub (0:3; (20:25; 23:25; 20:25)).

Nəticədə Monteneqro qrupda birinci pilləni ələ alıb.

Növbəti turun oyunları iyunun 13-15-də olacaq. III və IV turda Azərbaycan millisi Rumıniya yığmasını qəbul edəcək.

Qeyd edək ki, rumınlarla ilk görüşümüz iyunun 14-də, növbəti matç isə ertəsi gün olacaq. 

• III MDB Oyunları: Millimiz bürünc medal uğrunda mübarizə aparacaq  
• Qadın voleybolçular arasında Avropa çempionatının püşkü atılıb
• III MDB Oyunları: Millimiz Rusiyaya məğlub olub
• III MDB Oyunları: Qadın voleybolçularımız yarımfinala çıxıb - FOTO
• III MDB Oyunları: Millimiz Özbəkistana məğlub olub - FOTO