Qadın voleybolçular arasında Rusiya Superliqasının XIII turun oyunları başa çatıb. Apasport.az saytının məlumatına görə, Azərbaycan millisinin hücumçusu Natalya Məmmədovanın şərəfini qoruduğu “Omiçka” “Zariçye Odintsova”nı qəbul edib.
Çempionlar Liqasının 1/3 finalında Türkiyə “Əczaçıbaşı”sına uduzaraq, mübarizəni dayandıran Omsk təmsilçisi acığını bu rəqibdən çıxıb. Belə ki, “Zariçye Odintsova” Məmmədovanın komandasından 3 setdə cəmi 44 xal ala bilib. “Omiçka” yalnız ilk hissədə müqavimətlə üzləşib - 3:0 (25:22, 25:10, 25:11). Voleybolçumuz isə görüşdə 14 xal toplayıb.
Çempionlar Liqasının yarımfinalında “Rabitə”nin rəqibi olacaq Kazan “Dinamo”su da XIII turu evdə keçirib. “Proton”u qəbul edən komanda asan qələbəyə sevinib – 3:0 (25:23, 25:19, 25:20).
Qeyd edək ki, XIII turdan sonra aktivində 35 xalı olan “Dinamo” yenə birinci, ondan 6 xal geri qalan “Omiçka” isə ikincidir.
Oxşar xəbərlər
Ana səhifə
Bütün xəbərlər