Oksana Parxomenkodan qələbə şərhi

25.09.2014 - 17:37

Azərbaycan millisinin kapitanı Oksana Parxomenko dünya çempionatında Puerto-Riko ilə oyunu dəyərləndirib. Apasport.az saytının məlumatına görə, təcrübəli voleybolçu çətin keçən qarşılaşmada 3:2 hesabı ilə qalib gəldikləri üçün sevincli olduğunu deyib.

Onun sözlərinə görə, 1 xalı itirməsəydilər, lap əla olardı: “Həqiqətən vacib matç idi və bunu layiqli qələbə ilə bitirdik. Biz bu matçlara uzun müddətdir hazırlaşırıq. Baş məşqçimizin də dediyi kimi qalib gəlməyimizə baxmayaraq, 1 xal itirdik”.