Bu gün qadın voleybolçular arasında 2015-ci ildə Belçika və Hollandiyada keçiriləcək Avropa çempionatının final mərhələsinin püşkatması olub. Apasport.az saytının məlumatına görə, Azərbaycan millisinin 1 addımlığında olduğu yarışda komandalar rəqiblərini tanıyıblar.
Belə ki, Belçikanın Antverpen Şəhər Zalında təşkil olunan mərasimdə yığmalar 4 qrupa bölünüb. Püşkatmaya əsasən hər bir qrupda mübarizənin gərgin keçəcəyini əvvəlcədən də proqnozlaşdırmaq olar.
Əgər Azərbaycan voleybolçuları pley-off səddini keçərlərsə, gələn il sentyabrın 26-da start götürüb, oktyabrın 4-də başa çatacaq həlledici mərhələdə B qrupunda gücünü yoxlayacaqlar. Çünki qitənin ən mötəbər turnirinə qatılacaq 13 millinin adı əvvəlcədən bilinsə də, digər 3 vəsiqədən taleyinə III mərhələdə aydınlıq gələcək. Bunlardan birinə Azərbaycan yığması sahib ola bilər. Komandamız gəlin ilin mayında Slovakiya ilə qarşılaşmada məsələyə tam aydınlıq gətirəcək. Digər pley-off cütlərində Belarus Ukrayna ilə, Sloveniya Fransa ilə üz-üzə gələcək.
A qrupu
Apeldorn (Hollandiya): Hollandiya (ev sahibi), İtaliya (AVRO-2013-dəki nəticəsinə əsasən), Polşa (seçmə mərhələdə qrup qalibi), Fransa-Sloveniya cütünü qalibi
B qrupu
Antverpen (Belçika): Belçika (ev sahibi), Türkiyə (seçmə mərhələdə qrup qalibi), Macarıstan (seçmə mərhələdə qrup qalibi), Azərbaycan – Slovakiya cütünün qalibi
C qrupu
Rotterdam (Hollandiya): Rusiya (son Avropa çempionu), Xorvatiya (AVRO-2013-dəki nəticəsinə əsasən), Bolqarıstan (seçmə mərhələdə qrup qalibi), Ukrayna – Belarus cütünün qalibi
D qrupu
Eindhoven (Hollandiya): Serbiya, Almaniya (hər ikisi AVRO-2013-dəki nəticəsinə əsasən), Rumıniya, Çexiya (hər ikisi seçmə mərhələdə qrup qalibi)
Qeyd: Komandaların qarşısında final mərhələsinə necə vəsiqə qazanmaları göstərilib.
Oxşar xəbərlər
Ana səhifə
Bütün xəbərlər