Qadın voleybolçulardan ibarət Yaponiya millisi dünya çempionatı yekun heyətini açıqlayıb. Apasport.az saytının məlumatına görə, sentyabrın 23-də start götürəcək mundialda Azərbaycanla eyni qrupda yer alan komandanın baş məşqçisi Masayosi Manabe güvənəcəyi oyunçuları müəyyənləşdirib.
Təcrübəli mütəxəssis Yuko Sano, Riko Seki, Miya Sato, Aimi Kavaşima, Natsumi Fudzita, Mami Uçiseto, Arisa İnoue və Miyuku Hiramatsudan imtina edərək, 14 voleybolçuya şans verəcəyini açıqlayıb. Onun heyətdən kənarlaşdırdığı oyunçular arasında “İqtisadçı”nın sabiq liberosunun zədəli olduğu bildirilir.
Yaponiyanın heyəti
Toppaylayıcılar: Hitomi Nakamiti, Haruka Miyasita
Blokçular: May Yamaquti, Kana Ono
Hücumçular: Saori Kimura (kapitan), Risa Sinnabe, Arisa Takada, Miyu Naqaoka, Saori Sakoda, Midzuho İsida, Yuku İsii, Yukiko Ebata
Libero: Arisa Sato, Sayaka Tsutsui
Qeyd edək ki, yaponlar ilk turda Azərbaycan voleybolçuları ilə qarşılaşacaqlar.
Oxşar xəbərlər
Ana səhifə
Bütün xəbərlər