"Qarabağ"ın futbolçusu Riçard Almeyda Azərbaycan çempionatlarında 50-ci qolunu vurub.

Apasport.az Peşəkar Futbol Liqasının rəsmi saytına istinadən xəbər verir ki, 35 yaşlı yarımmüdafiəçinin yubiley qolu Azərbaycan Premyer Liqasının I turuna təsadüf edib.

O, “Araz-Naxçıvan”la səfər oyununda (4:1) vurduğu qolla “100”ü yarılayıb. Riçard “50”yə Premyer Liqada keçirdiyi 268-ci matçda çatıb. Yarımmüdafiəçi Azərbaycan çempionatları tarixinə ən azı 50 qol vuran 40-cı futbolçu kimi düşüb.

Qeyd edək ki, 2012-2013 mövsümündən Azərbaycanda çıxış edən millimizin sabiq üzvü ilk qoluna da həmin çempionatda imza atıb. Yalnız “Qarabağ”ın heyətində rəqib qapısına yol tapan yarımmüdafiəçi “Zirə”nin də formasını geyinib.

• “Sumqayıt”ın futbolçusu: “Avrokuboklar üçün oynayacağıq” - Müsahibə
• Vaqif Cavadov: "Az danışmağa başlamışam"
• Aqil Nəbiyev: “Məqsəd futbolçuların inkişafına nail olmaqdır”
• Elxan Məmmədov: "Beynəlxalq futbol və idman ictimaiyyəti “Qarabağ”dan danışır"
• 3x3 basketbol üzrə Dünya Qadın Seriyasının Bakı mərhələsi başlayır