Azərbaycan boksçusu Sərxan Əliyev Polşada keçirilən III Avropa Oyunlarında ikinci qarşılaşmasına çıxıb. 

Apaspport.az saytının məlumatına görə, 71 kq çəkidə qüvvəsini sınayan dünya çempionatının mükafatçısı Eskerxan Madiyevlə (Gürcüstan) üz-üzə gəlib. 

İlk görüşündə Mixal Takacsi (Slovakiya) mübarizədən kənarlaşdıran Əliyev yenə rinqdən qalib ayrılıb. O, Madiyevi 3:2  (27:29, 29:27, *28:28, *28:28, 27:29) hesabı ilə məğlub edib. 

Sərxan 1/4 final döyüşünə iyunun 28-də çıxacaq. 

Qeyd edək ki, bu gün daha 3 boksçumuz rinqə çıxacaq. Anaxanım İsmayılova (50 kq) Rita de Pinyo Soareslə (Portuqaliya), Məhsəti Həmzəyeva-Ağamalıyeva (57 kq) Tatevik Xaçatryanla (Ermənistan) və Məhəmməd Abdullayev (+92 kq) Nikoloz Beqadze (Gürcüstan) ilə döyüşəcək. 
 

• İrlandiya kuponu
• Olimpiada start götürdü – Azərbaycanın iki komandası qələbə ilə başladı
• İngiltərə millisinin Avropa çempionatı üçün heyəti bilinib
• Papenin rekordu təkrarlandı
• Boksçularımız Rumıniyada 7 qızıl, 3 gümüş və 8 bürünc medal