Çempionlar Liqasının I təsnifat mərhələsinin cavab oyunlarını tribunalardan izləyən azarkeşlərin sayı açıqlanıb.

Apasport.az saytının məlumatına görə, 15 oyunda ümumilikdə 95 min 262 tamaşaçı olub.

Ən çox azarkeş Bakıda keçirilən “Qarabağ” – “Lex” (5:1) matçına toplaşıb. Tofiq Bəhramov adına Respublika Stadionundakı görüşü 27 min 652 fanat tribunadan izləyib.

İkinci pillədə 20 min 22 tamaşaçı ilə “Dinamo” (Batumi, Gürcüstan) – “Slovan” (Slovakiya) matçı yer alıb. İlk “üçlüy”ü “Ferensvaroş” (Macarıstan) – “Tobol” (Qazaxıstan) görüşü qapayıb – 17 min 347. Digər qarşılaşmaların heç birində azarkeş sayı 10 minə çatmayıb.

Qeyd edək ki, Poznanda keçirilən “Lex” – “Qarabağ” oyunu da ilk matçlar arasında ən çox tamaşaçı toplayan görüş olmuşdu (25 min 118).

• Klubların Lisenziyalaşdırılması Departamentinin fəaliyyəti ilə bağlı yoxlamanın nəticələri açıqlandı
• Beyl 64 illik həsrətə son qoydu
• Maksim Medvedev karyerasını bitirir
• Millimizin baş məşqçisi: "Hədəfimiz qrupda ilk iki yerdən birini tutmaqdır"
• "Şamaxı" İdarə Heyətinin sədri: "Problemlərimiz var, bunları gizlətmirik"