Çempionlar Liqasının II təsnifat mərhələsinin ilk oyunlarını tribunalardan izləyən azarkeşlərin sayı açıqlanıb.

Apasport.az saytının məlumatına görə, 12 oyunda ümumilikdə 141 min 873 tamaşaçı olub.

I raundun hər iki həftəsində olduğu kimi, yenə ən çox azarkeş Bakıdakı matça toplaşıb. “Qarabağ”ın İsveçrə təmsilçisi “Sürix”lə (3:2) Tofiq Bəhramov adına Respublika Stadionundakı görüşünü 30 min 782 fanat tribunadan izləyib.

İkinci pillədə 29 min 654 tamaşaçı ilə “Makkabi” (Hayfa, İsrail) – “Olimpiakos” (Yunanıstan) oyunu yer alıb. İlk “üçlüy”ü “Ferensvaroş” (Macarıstan) – “Slovan” (Slovakiya) görüşü qapayıb – 20 min 459. Digər qarşılaşmalardan isə yalnız “Dinamo” (Kiyev, Ukrayna) – “Fənərbaxça” (Türkiyə) oyununda 10 mindən çox (11 min 603) azarkeş olub.

Qeyd edək ki, Çempionlar Liqasında II təsnifat mərhələsinin cavab oyunları iyulun 26-27-də keçiriləcək.

• “Turan Tovuz”un seriyası qırıldı - YENİLƏNİB
• "Gəncə" heyətini yeni oyunçu ilə gücləndirib
• "Arsenal" daha bir yarımmüdafiəçi almaq istəyir
• Laurentsiu Regekampf ilk yoxlama oyununu dəyərləndirdi - VİDEO
• Güləşçilərimiz 3 medal QAZANDI