![Qılıncoynadanımız bürünc medal qazandı](https://apasport.az/storage/news/2023/october/14/big/652aed50c05bd652aed50c05be1697312080652aed50c05bb652aed50c05bc.jpg)
Qadın sablyaçımız Palina Kaspiaroviç Gürcüstann paytaxtı Tbilisidə "Satellite" turnirində bürünc medal qazanıb.
Apasport.az xəbər verir ki, qrup mərhələsini 5 qələbə ilə başa vuran təmsilçimiz ən güclü “səkkizliy”ə yüksəlmək uğrunda keçirilən görüşdə yerli Alexandra Kuvaevaya 15:6 hesabı ilə qalib gəlib.
Palina növbəti mərhələdə əlcəzairli Nora Zohra Kehlini 15:7 hesabı ilə məğlub edərək turnirin bürünc medalını təmin edib.
Qılıncoynatmanın sablya növü üzrə milli komandamızın üzvü qadınların şəxsi yarışında yarımfinala gedən yolda Səbinə Kərimova (14:15) və Anna Baştanı (14:15) mübarizədən kənarlaşdıran Gürcüstan qılıncoynadanı Lika Jijieişviliyə 10:15 hesabı ilə uduzub.