“Qarabağ”ın baş məşqçisi Qurban Qurbanov növbəti mükafatını alıb.

Apasport.az saytının məlumatına görə, 51 yaşlı mütəxəssis  Beynəlxalq Ədalətli Oyunlar Komitəsinin (CIFP) Şurası tərəfindən yüksək mükafata layiq görülüb.

O, 2022-ci ildə İdman dünyasında ədalətli oyunun təşviqi sahəsində nümunəvi nailiyyətlərinin tanınmasına görə “Jean Borotra - Karyera” kateqoriyasında “Fair Play Diplomu” ilə təltif edilib. CİFP prezidenti Jenö Kamuti AİJA vasitəsilə Qurbanova məktub göndərib: “Böyük fəxarətlə Sizə bildirirəm ki, Beynəlxalq Ədalətli Oyunlar Komitəsi Şurası (CIFP) sizi nominasiyalar əsasında mükafatlandırmaq qərarına gəlib: İdman dünyasında və ədalətli oyunun təşviqi sahəsində nümunəvi nailiyyətlərinizin tanınması üçün “Jean Borotra - Karyera” kateqoriyasında Dünya Fair Play Diplomu”.

O, “Qarabağ”ın baş məşqçisini mükafatlandırma mərasiminə dəvət edib: “CIFP tərəfindən təşkil edilən 2022 Dünya Ədalətli Oyunlar Mükafatlarının təqdimetmə mərasiminin keçirilməsi planlaşdırılır. Sizi orada iştiraka dəvət etməkdən məmnunam. Tədbir qala şam yeməyi ilə davam edəcək. Yaxın zamanda təfərrüatları sizə bildiriləcək. Hörmətli, cənab Qurban Qurbanov, icazə verin, Sizi gözəl Fair Play ruhunuza görə təbrik edim. Sizinlə görüşü səbirsizliklə gözləyirəm”.

• "Sumqayıt"ın əvəzedicilərindən daha bir biabırçılıq - Yenə texniki məğlubiyyət verildi
• Azərbaycanı Bakıdakı Avropa Kubokunda təmsil edəcək gimnastlar müəyyənləşib
• Yığmamız Dünya çempionatında 14-cü olub
• Ozan Can Kökçü oynadı, komandası məğlub oldu
• "Vulverhempton"un Neto üçün istədiyi məbləğ bəlli olub