AFFA-nın İntizam Komitəsinin iclası keçirilib.
Apasport.az saytının məlumatına görə, yığıncaqda Premyer Liqanın XXVII turunun oyunlarında baş verənlər müzakirə olunub.
“Şamaxı” – “Qəbələ” matçında 5 futbolçusu sarı vərəqə ilə cəzalanan qonaqlar 800 manat cərimələnib. “Zirə” – “Neftçi” görüşündə 8 futbolçusu xəbərdarlıq alan qonaq komandanın da cəzası eyni olub.
“Sabah” – “Sumqayıt” qarşılaşmasında bakılıların müdafiəçisi Amin Seydiyev rəqibi aşkar qol imkanından məhrum etdiyinə görə qırmızı vərəqə aldığı üçün 1 oyun cəzalanıb və klubunu 200 manat ziyana salıb. Paytaxt təmsilçisi 5, qonaqlar 7 futbolçusu sarı vərəqə ilə cəzalandırıldığı üçün 800 manat cərimə ödəyəcək. Bu matçda hakimlər otağı isti suyu olan duş ilə təmin olunmadığı üçün meydan sahibi kluba xəbərdarlıq edilib.
Oxşar xəbərlər
Ana səhifə
Bütün xəbərlər