“Karvan-Yevlax”ın müdafiəçisi Süleyman Əhmədov Apasport.az saytına müsahibə verib.
- “Karvan-Yevlax” ilk turda “Qəbələ” ilə bərabərə qaldı. Bu, sizin istədiyiniz nəticə idi, yoxsa yalnız qələbə sizi razı salacaqdı?
- Çempionatın ilk oyunları hər zaman ağır olur. Komanda olaraq tam hazır durumda olmuruq, yeni komandayıq, yeni oyunçularımız adaptasiya dövrü keçir. Üç xal qazansaydıq, daha yaxşı olardı. Amma 1 xal da pis nəticə deyil. Hər halda, buna da şükür etmək lazımdır.
- Ümumiyyətlə, öz komandan sənin üçün güvən və inam verdi? Yəni, səncə komandanızın perspektivi, potensialı var, hansı yerlər üçün oynaya bilərsiz?
- Ümumi olaraq, komanda şəklində yaxşı, mehriban kollektivimiz var. Məşqlərdə və oyunlarda istəkli şəkildə davam etsək, istədiyimizə nail ola bilərik. Əlimizdən gələn qədər xallar qazanıb, aşağı pillələrdən uzaq olmağa çalışacağıq.
- “Karvan-Yevlax" hələ ki ev oyunlarını Yevlaxda keçirməyəcək. Bunun sizin üçün hansı təsiri var?
- Ev oyunlarını Yevlaxda keçirə bilməmək bizim üçün çətindir. Çünki hər kəs, yevlaxlı azarkeşlərin futbola nə qədər həvəsli və maraqlı olduğunu bilir. Onların dəstəyi ilə 12-ci oyunçu ruhunu özümüzdə hiss edib, daha çox xal qazana bilərik. Yeni stadionun tezliklə hazır olmasını səbirsizliklə gözləyirik. Allah qoysa, tezliklə bütün işlər bitər və doğma meydanımıza qayıdarıq.
- Növbəti görüşünüz Qəbələdə "Kəpəz”ə qarşıdır. Bu görüşdə komandanızın qələbə qazanmaq şanslarını necə dəyərləndirirsən? Rəqibiniz özü də ilk turda "Sumqayıt"a 0:3 hesabı ilə uduzdu..
- Rəqibin kimliyindən asılı olmayaraq, hamıya hörmətlə yanaşırıq. “Kəpəz” də bizim kimi, yeni yığılmış komandadır. İlk turda 0:3 hesabı ilə uduzmaqları bizi aldatmalı deyil. Yaxşı oyunçuları var. Diqqətli olub, qələbə qazanmağa çalışacağıq.
- Komandaya gələn legionerlərin say çoxdur. Onlarla münasibət necədir? Bir-birinizi başa düşürsüz, hansısa məqamda onlara köməklik göstərirsiz?
- Əlbəttə ki, hamsı ıilə münasibətimiz yaxşıdır. Onlar da adaptasiya dövrü keçirlər. Biz də əlimizdən gələn qədərilə onlara dəstək olmağa çalışırıq, kömək edirik. Mehriban və istəkli kollektiv yaratmağa çalışırıq.
- Legioner limiti olmadığı üçün komandaların çoxu xarici futbolçulara üstünlük verirlər, amma tək-tük oynayan yerlilərdən biri də sənsən. Səncə, mövsümboyu bunu davam etdirə biləcəksən?
- Bunu zaman göstərəcək. Mən öz işimi görüb, performansımı artırararaq nəticələrimi yaxşılaşdırmalıyam. Təbii ki, şans veriləcəyi təqdirdə də, daim “Karvan-Yevlax”ın uğurlu nəticəsinə töhvə verməyə çalışacam.
Oxşar xəbərlər
Ana səhifə
Bütün xəbərlər