"Araz-Naxçıvan" klubunun futbolçusu Urfan Abbasov Azərbaycan çempionatlarında 300-cü oyununu keçirib.

Apasport.az Peşəkar Futbol Liqasının mətbuat xidmətinə istinadən xəbər verir ki, 31 yaşlı müdafiəçinin yubiley matçı Azərbaycan Premyer Liqasının VI turuna təsadüf edib.

Futbolçu “Kəpəz”lə ev görüşündə (1:0) əvəzolunmadan meydanda olub. O, ölkə çempionatları tarixinə 300 və daha çox oyun keçirən 28-ci futbolçu kimi düşüb. Premyer Liqada 2011/2012 mövsümündə debüt edən müdafiəçi 3 klubun formasını geyinib.

Futbolçu “Qəbələ”də 248, “Səbail”də 47, “Araz-Naxçıvan”da 5 dəfə şans qazanıb.

Qeyd edək ki, 300 matçda 7 qola imza atan U.Abbasov Qəbələ təmsilçisində 5, paytaxt klubunda 2 dəfə fərqlənib.

• Kubokun təyinatları açıqlandı
• “Ödənişli”də 6-cı ən BÖYÜK UDUŞ
• "Milan" ilk dəfə Avropa Liqasının 1/4 finalına yüksəlib
• “Formula-1”: “Ferrari”nin hər iki pilotu mübarizəni dayandırdı
• Dünya çempionatı ləğv edilir