Azərbaycan güləş üzrə milli komandalarının Bakıda təlim-məşq toplanışına start verib.

Apasport.az xəbər verir ki, yunan-Roma və qadın güləşi üzrə yığmalarımız Dünya Olimpiya Təsnifat turnirinə hazırlaşır.

Yunan-Roma güləşi millimiz aprelin 25-dən taktiki-texniki çalışmalara başlayıb. Komanda mayın 7-dək Güləş Federasiyasının təlim-məşq bazasında hazırlıq keçəcək.

Qadın güləşçilər məsul yarışa aprelin 28-də start veriblər. Xalça üzərində keçirilən məşqlərə mayın 8-də yekun vurulacaq.

Olimpiadada tam heyətlə iştirak hüququ qazanan sərbəst güləş millimiz aprelin 28-də hazırlığıa start verib. U-23 Avropa çempionatına və Olimpiya Oyunlarına hazırlıq xarakteri daşıyan toplanışda daha çox fiziki gücün və dözümlülüyün artırılmasıyla bağlı çalışmalara üstünlük verillir.

Qeyd edək ki, Dünya Olimpiya Təsnifat turniri mayın 9-12-də İstanbulda təşkil ediləcək.

• 11 illik həsrətə son – “Milan”dan 19-cu çempionluq!
• Siyasət Əsgərov: "Monteneqro ilə oyunda hücum xəttində problemlər yaşadıq"
• Azərbaycan Taekvondo Federasiyasının təşkilatçılığı ilə təkmilləşdirmə kursu keçirilib
• Fərid Qayıbov “Gənc idman liderləri” proqramının iştirakçıları ilə görüşüb
• De Xea “Mançester Yunayted”i tərk edir?