Portuqaliya yığması son 16 ildə ilk dəfə dünya çempionatına qələbə ilə başlayıb.

Apasport.az saytının məlumatına görə, bu, DÇ-2022-nin qrup mərhələsində Qana ilə oyuna (3:2) təsadüf edib.

Portuqaliyalılar buna qədər sonuncu dəfə DÇ-2006-nın ilk matçında Anqolanı məğlub edə (1:0) bilmişdi. Avropa təmsilçisi CAR-da keçirilən DÇ-2010-a Fil Dişi Sahili ilə qolsuz bərabərliklə başlayıb. Komanda DÇ-2014-ün ilk oyununda Almaniyaya 0:4 hesabı ilə uduzubsa, 2018-ci ildə Rusiyada təşkil olunan mundiala İspaniya ilə heç-heçə edərək (3:3) start götürüb.

Qeyd edək ki, Portuqaliya yığması qrup mərhələsində növbəti oyununu noyabrın 28-də Uruqvaya qarşı keçirəcək.
 

• Taekvondo üzrə Azərbaycan çempionatı keçiriləcək
• Siyasət Əsgərov: “Təlim-məşq toplanışının bizə çox köməyi olacaq”
• Azərbaycan çempionunun bəxtinə Xorvatiya klubu düşdü – “Azərreyl” üçün “Slovan”
• Di Maria dünya kubokunu ayağına "həkk etdirdi" - FOTO
• Cüdo üzrə Azərbaycan çempionatının açılış mərasimi keçirilib