Beyləqanda voleybol üzrə məktəblilərin rayon birinciliyinin final görüşü keçirilib.

Apasport.az xəbər verir ki, Hacıqabul RVK-nın, Mil-Muğan Regional Gənclər və İdman İdarəsinin birgə təşkilatçılığı ilə Beyləqan Olimpiya İdman Kompleksində baş tutan oyunu Azərbaycan Voleybol Federasiyasının (AVF) prezidenti Şahin Bağırov, Beyləqan Rayon İcra Hakimiyyətinin başçısı Əziz Əzizov, Mil-Muğan Regional Gənclər və İdman İdarəsinin rəisi vəzifəsini icra edən Elçin Qiyasov və digər qonaqlar canlı izləyiblər.

Qarşılaşmanın sonunda qaliblərə kubok və medallar təqdim olunub.

Daha sonra Bağırov yarış iştirakçıları ilə görüşüb. AVF prezidenti mükafatçıları təbrik edib, ölkədə voleybolun kütləviliyinin artırılması və inkişafı istiqamətində görülən işlərdən danışıb, gənc idmançılara tövsiyələrini verib və onlara uğurlar arzulayıb.

• ABL: "Ordu"dan əzmkar qələbə
• "Sabah"da yeni müqavilə
• Miodraq Bojoviç: "Bu mövsüm ən yaxşı oyunlarımızdan birini oynadıq"
• Adil Şükürov: “Rəqib öz ustalığını göstərdi”
• XXX turun hakim təyinatları müəyyənləşdi