2026-cı il dünya çempionatında C qrupunun ilk turundan sonra turnir cədvəli formalaşıb.

Apasport.az xəbər verir ki, qrupda liderliyə Şotlandiya yüksəlib.

Avropa təmsilçisi ilk turda Haitini 1:0 hesabı ilə məğlub edərək 3 xal toplayıb.

Qrupun digər oyununda Braziliya və Mərakeş üz-üzə gəlib. Gərgin keçən qarşılaşma 1:1 hesablı heç-heçə ilə yekunlaşıb. Bu nəticədən sonra hər iki komanda aktivinə 1 xal yazdırıb.

İlk turun ardından Şotlandiya 3 xalla C qrupuna başçılıq edir. Mərakeş və Braziliya hərəyə 1 xalla 2-3-cü yerləri bölüşür. Haiti isə xalsız sonuncu pillədə qərarlaşıb.

Qeyd edək ki, C qrupunda növbəti turun oyunları iyunun 19-da keçiriləcək. Həmin gün Şotlandiya Mərakeşlə, Braziliya isə Haiti ilə qarşılaşacaq.

• “Mançester Siti” 70 milyonluq transferini açıqladı
• İlkin Qırtımovun durumuna aydınlıq gəldi
• Bölgə klubunun apellyasiya şikayəti təmin edilməyib
• Bakıda II Təhlükəsiz İdman Forumu keçirilib
• “Roma” futbolçusunu icarəyə verib