![Mərc etdi, ağır cəza aldı](https://apasport.az/storage/news/2023/september/13/big/6502054042d426502054042d4316946312326502054042d406502054042d41.jpg)
İngiltərədə daha bir futbolçu mərc oyunlarına görə 5 ay cəzalandırılıb.
Apasport.az saytı xəbər verir ki, “Nottingem Forest” müdafiəçisi Harri Toffolo şərti cəzaya məruz qalıb.
Toffolo İngiltərə Futbol Assosiasiyasının qaydalarını pozaraq, 2014-2017-ci illərdə 375 dəfə pul qoyuluşu edib. O, həmin dövrdə “Norviç Siti”yə məxus olub və “Suindon”, “Roterhem”, “Piterboro”, “Skantorp” kimi klublarda icarə əsasında oynayıb. 28 yaşlı futbolçunun şərti cəzası 2024/25 mövsümünün sonunadək uzadılıb. Harri 25 min avro cərimələnib.
Qeyd edək ki, Toffolo 2022-ci ilin yayından “Nottingem Forest”də çıxış edir. O, bu mövsüm bir oyunda meydana çıxıb.