Super Liqa təmsilçilərindən "Qalatasaray" yeni mövsüm öncəsi ilk transferini açıqlamağa hazırlaşır.

Apasport.az xəbər verir ki, "sarı-qırmızılılar" "Fənərbaxça" ilə müqaviləsi başa çatan Mişi Batşuayi ilə anlaşıb.

Belçikalı hücumçu "Qalatasaray"la müqavilə bağlamaq üçün İstanbula gəlib.

Azad agent kimi “Qalatasaray”a keçəcək futbolçunun "aslanlarla" 2027-ci ilə qədər anlaşma imzalayacağı gözlənilir.

Hüçumçu 2022-ci ildə "Çelsi"dən İstanbul klubuna keçib. Son mövsümdə əsas heyətdə yer ala bilməyən Batşuayi "sarı-lacivərdlilər"lə müqavilə yeniləməyib.

Qeyd edək ki, hazırki bazar dəyəri 8,5 milyon avro olan belçikalı Super Liqada "Fənərbaxça" forması ilə 79 matça çıxıb, 38 qol və 7 məhsuldar ötürmə ilə yadda qalıb. 

• Çempionlar Liqasının 1/4 final mərhələsinin ən bahalı oyunçuları - Siyahı
• Messinin yeni müqaviləsinin müddəti müəyyənləşdi
• Futzal üzrə Azərbaycan Kubokunda 1/8 final mərhələsinin püşkü atılıb
• İtaliya kuboku: “Milan” yarımfinalda
• Bakının kənd və qəsəbələri arasında keçirilən minifutbol turnirinin final cütü bəlli olub