Madrid “Real”ının yarımmüdafiəçisi Cud Bellinqem klubun tarixinə düşüb.

Apasport.az saytı xəbər verir ki, 20 yaşlı futbolçu Çempionlar Liqasının qrup mərhələsinin Berlin “Union”una qarşı matçında (1:0) komandasının qələbə qolunu vurmaqla buna nail olub. 

İngilis XXI əsrdə “Kral klubu”nun heyətində həm La Liqa, həm də Çempionlar Liqasındakı debütündə qol vuran dördüncü futbolçu adına yiyələnib. Əvvəllər bu uğura Kriştiano Ronaldo (2009), İsko (2013) və Marko Asensio (2016) nail olub.

Qeyd edək ki, yay transfer pəncərəsində Dortmund “Borussiya”sından paytaxt klubuna gələn Bellinqem 6 matçda 6 qol və 1 məhsuldar ötürmə ilə yadda qalıb.
 

• Avropa Gənclər Paralimpiya Oyunlarında Azərbaycan bayrağını daşıyacaq idmançılar bəlli olub
• "Milan" "Çelsi"nin ulduz futbolçusunu icarəyə götürməyi planlaşdırır
• “Zirə”nin Slovakiya klubu ilə səfər oyunun hakimləri açıqlandı
• Pakistan millisinin üzvü Azərbaycana gəlir? - “Qarabağ” hərəkətə keçdi
• De Pauldan Messi açıqlaması – “Qollarından xəbəri belə yoxdur”