Azərbaycan Futbol Federasiyası Assosiyasının İntizam komitəsinin iclası keçirilib.
Apasport.az xəbər verir ki, müzakirələrdən sonra bu qurumun bayrağı altında keçirilən müxtəlif yarışlarla bağlı aşağıdakı qərarlar qəbul olunub:
Misli Premyer Liqasında XXV turun “Zirə” – “Turan Tovuz” oyununun 43-cü dəqiqəsində “Zirə” klubunun 70 nömrəli futbolçusu İssa Cibrila rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanır, “Zirə” klubu 800 manat cərimə edilib.
“Qəbələ” – “Səbail” oyununun 40-cı dəqiqəsində “Qəbələ” klubunun 4 nömrəli futbolçusu Lukas Afriko rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanır, “Qəbələ” klubu 800 manat cərimələnib.
Əvəzedicilər Liqasında XXV turun “Sabah-2” – “Araz-Naxçıvan-2” oyununda “Araz-Naxçıvan-2” komandasının 4 futbolçusu sarı vərəqə aldığına görə “Araz-Naxçıvan-2” və “Zirə-2” – “Turan Tovuz-2” oyununda “Zirə-2” komandasının 5 futbolçusu sarı vərəqə aldığına görə “Zirə-2” komandası 70 manat cərimə edilib.
“Zirə-2” – “Turan Tovuz-2” oyununun 84-cü dəqiqəsində “Turan Tovuz-2” komandasının 83 nömrəli futbolçusu Hüseyn Hüseynov rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanıb, “Turan Tovuz-2” komandası 80 manat cərimə edilib.
“Neftçi-2” – “Qarabağ-2” oyununda “Neftçi-2” komandasının 4 futbolçusu sarı vərəqə aldığına görə “Neftçi-2” komandası 70 manat cərimə edilib.
29.02.2023-cü il tarixində futzal üzrə Yüksək Liqada XIV turun “Araz Naxçıvan” – “Record club” oyununda “Record club” komandasının oyunçusu Arzu Abbasovun oyunun 37-ci dəqiqəsində rəqibi açıq-aşkar qol imkanından məhrum etdiyinə görə bir başa qırmızı vərəqə ilə meydandan kənarlaşdırıldığına görə 1 oyun cəzalandırılıb.
“Neftçi İK İB” – “U-19” oyununda ”U-19” komandasının oyunçusu Qüdrət Qasımzadənin oyunun 22-ci dəqiqəsində oyunun bərpasını ləngidilməsi səbəbindən bir oyunda 2-ci sarı vərəqə almaqla qırmızı vərəqə ilə meydandan kənarlaşdırıldığı üçün 1 oyun cəzalandırılıb.
29.02.2023-cü il tarixində futzal üzrə Yüksək Liqada XV turun PFL – “Şuşa” oyununda, “Şuşa” komandasının oyunçusu Üzeyir Sadıqovun oyunun 3-cü dəqiqəsində rəqibi açıq-aşkar qol imkanından məhrum etdiyinə görə birbaşa qırmızı vərəqə ilə meydandan kənarlaşdırıldığına görə 1 oyun cəzalandırılıb.
03.03.2024-cü il tarixində AFFA U-17 Qızlar Liqasının “Neftçi PFK” – “Sabah FK” oyununda hər iki komanda tam heyətlə meydanda olmağına baxmayaraq, həkim olmadığına görə oyun baş tutmadığı üçün “Neftçi” komandasına 0:3 hesablı texniki məğubiyyət verilib.
03.03.2024-cü il tarixində AFFA Yüksək Qızlar Liqasının “Olimpiya” (Ağcabədi) – “Qəbələ” İK” oyununda "Olimpiya” (Ağcabədi) komandasından 20 nömrəli oyunçusu Çinarə Əhmədovanın təcavüzkar davranış səbəbilə qırmızı vərəqə alaraq meydandan kənarlaşdırıldığı üçün 2 oyun cəzalandırıb.
03.03.2024-cü il tarixində AFFA Yüksək Qızlar Liqasının “Olimpiya” (Ağcabədi) – “Qəbələ” İK” oyununda “Qəbələ” İK komandasından 18 nömrəli oyunçusu Cəmalə İsgəndərovanın təcavüzkar davranış səbəbilə qırmızı vərəqə alaraq meydandan kənarlaşdırıldığı üçün 2 oyun cəzalandırılıb.
02.03.2024-cü il tarixində AFFA U-14 Qızlar Liqasının “Mil-Muğan” (İmişli) – “Çinar” FK (Göyçay) oyunu “Çinar” FK komandası təyin edilən vaxtda meydanda olmadığına görə baş tutmadığı üçün “Çinar” FK komandasına 0:3 hesablı texniki məğlubiyyət verilib.
03.03.2024-cü il tarixində AFFA U-14 Qızlar Liqasının “Səbail” PFK – “Gömrükçü” FK oyununda “Gömrükçü” FK komandasının baş məşqçisi Kəmalə İbadullayevanın meydana daxil olaraq hakim qərarına kəskin etiraz etdiyinə gorə (2 sarı vərəqə, nəticədə qırmızı vərəqə) meydandan kənarlaşdırıldığına görə 1 oyun cəzalandırılıb.
Oxşar xəbərlər
Ana səhifə
Bütün xəbərlər
Hesabım