"Şamaxı" Azərbaycan Premyer Liqasının 2-ci turunda səfərdə "Araz-Naxçıvan"a 0:1 hesabı ilə məğlub olub.

Apasport.az xəbər verir ki, bölgə təmsilçisinin baş məşqçisi Ayxan Abbasov matçdan sonra keçirilən mətbuat konfransında jurnalistlərin suallarını cavablandırıb:

- Oyun bərabərliyə gedirdi. Yüz faizlik qol fürsətlərindən istifadə edə bilmədik. Çempionatın əvvəlidir. Oyundan-oyuna daha yaxşı olacağıq. Qol buraxandan sonra komandanın oyunundan razı qaldım. Bəzi futbolçular yenidir. Çempionata uyğunlaşmadıqları görünür. Amma qarşımıza qoyulan məqsədə çatacağıq. Komandaya inanıram.

- Çatışmayan cəhətləriniz nədir?

- Çatışmazlıqlar çoxdur, bunu bilirik. Sıfırdan qurulan komandayıq. Adi qol epizoduna baxın. Futbolçuların bir-birini başa düşməməsi görünür. Rəqib bir faiz şansından istifadə etdi. "Araz-Naxçıvan"ın heyətində fərdi keyfiyyətləri yüksək olan futbolçular çoxdur. Maçado bir epizoddan yararlandı. Bu da onun ustalığıdır. Çatışmazlıqlar çoxdur deyə həvəsdən düşməli deyilik.

• Dembelenin “Barselona”dan İSTƏYİ
• Adrina Mutu: “Azlıqda qalsaq da...” – MÜSAHİBƏ
• “Qarabağ”la “Neftçi”nin oyunlarının hakimləri açıqlanıb
• Rail Məlikov: “Klublarında oynamasalar da, onları yığmadan silmək lazım deyil”
• "Zirə" mövsümə darmadağınla başlayıb - Yenilənib