Azərbaycan UEFA reytinqində bir pillə irəliləyib.

Apasport.az xəbər verir ki, bu, avrokuboklarda II təsnifat mərhələsinin cavab oyunlarının nəticəsinə əsasən mümkün olub.

23-cü sırada yer alan ölkənin əmsalı 18,375-ə bərabərdir.

"Qarabağ" Çempionlar Liqasında Cəbəllütariqin "Linkoln" komandasının qapısına beş cavabsız qol vurub. "Köhlən atlar" səfərdə də qalib gəlmişdi - 2:0.

"Zirə" ötən gün Slovakiyada "DAK 1904" klubunu üstələyib - 2:1. "Qartallar" ilk dueldə inamlı qələbə əldə edib - 4:0.

"Sabah" əlavə vaxtda İsrailin "Makkabi" (Hayfa) kollektivinə uduzduğu (3:6) matçın (ilk oyun 3:0) penaltilər seriyasında (3:2) qalib gələrək mərhələ adlayıb.

Evdə Macarıstan təmsilçisi "Fehervar"a məğlub olan "Sumqayıt" səfərdə qolsuz heç-heçə etsə də, mübarizəni dayandırmalı olub.

Bu qarşılaşmalar reytinqdə Azərbaycana 0,625 xal qazandırıb.

55 ölkənin reytinq siyahısına İngiltərə (89.160) başçılıq edir.

• Samir Abasov: "Bu, müqaviləsi bitən məşqçiyə aid sual deyil"
• Rahid Əmirquliyev: "Qarabağ" hələ tam hazır deyil" - MÜSAHİBƏ
• Messi həyat yoldaşından ayrılır – Aquero ilə tez-tez bara getdiyi üçün
• Qurban Qurbanov: “Bəzi risklərə getməliyik”
• Apellyasiya Arbitraj Tribunalı AFFA İntizam Komitəsinin qərarını ləğv edib