Misli Premyer Liqasının VIII turunun "Araz-Naxçıvan" - "Səbail" matçından (3:2) sonra meydan sahiblərinin baş məşqçisi Elmar Baxşıyevin mətbuat konfransı keçirilib.

"Bilirdik ki, bizi ağır oyun gözləyir. Tovuz səfərindən sonra komanda çox məşq edə bilməmişdi. Futbolçularda bərpa prosesi ağır keçdi. Komanda bizə müsbət siqnallar verir. Qələbə qazandıq. Amma daha da artığını etməliyik".

- Komandanın Naxçıvanda oynamaq ehtimalı nə dərəcədə realdır?
- Hər dəfə mənə bu sual verilir. Bu, mənə aid olmayan sualdır. Naxçıvan rəhbərliyindən xahiş edirəm ki, komandanı Naxçıvana qaytarsınlar. "Araz-Naxçıvan" öz azarkeşlərinin qarşısında daha da rəngarəng olacaq. Yaxşı futbolçulara sahibik. Ümid edirik ki, tez bir zamanda Naxçıvanı təmsil edib azarkeşləri sevindirə biləcəyik.

- Komandanız artıq liderdir. Bu uğurun sirri nədir?
- Turnir cədvəli prizmasından yanaşmırıq. Proqramı elə qurmuşuq ki, komanda qarşıdakı oyunu düşünsün. Bu futbolçulara bələdəm. Yaxşı seleksiya işi aparmışıq. Hələ tam istədiyim komanda deyil. Daha yaxşı ola bilərik.

• Ukrayna Futbol Assosiasiyasının prezidenti həbs olundu
• Messi oynadı, komandası xal itirdi
• “Neftçi” “Azərreyl”ə qarşı
• Fələstin FİFA-ya müraciət edib: "İsraillilər bizi təhdid edir"
• Sənanın kuponu