“Sumqayıt” Misli Premyer Liqasının 2022/23 mövsümündə ilk qələbəsini qazanıb. 

Apasport.az saytının məlumatına görə, “Gənclik şəhəri” təmsilçisi XVI turda “Kəpəz”ə qalib gəlib. 

Samir Abasovun yetirmələri səfərdə 1:0 hesabı ilə qələbə qazanıb. Sumqayıtın eyniadlı təmsilçisi sonuncu dəfə 2022-ci il mayın 21-də qalib gəlmişdi. Bu, ötən mövsümün son turuna təsadüf edib. Həmin gün sumqayıtlılar “Səbail”i 5 cavabsız qolla udub.

197 gündən sonra qazanılan qələbə yubileylərlə də əlamətdar olub. “Sumqayıt” Premyer Liqada 75-ci dəfə qapısını toxunulmaz saxlayıb. Bu görüşlərin 41-i evdə, 34-ü səfərdə keçirilib.

Qələbə qolunun müəllifi olan komandanın kapitanı Vurğun Hüseynov Azərbaycan çempionatlarında 10-cu dəfə fərqlənib. Təcrübəli müdafiəçi “Qəbələ”də 4, “Turan”la “Sumqayıt”ın hərəsində 3 qol vurub.
 

• Sənanın kuponu
• Taekvondoçularımızdan uğurlu start - 1 qızıl və 1 gümüş medal
• “Mançetser Yunayted”in heyətində ciddi itki
• Türkiyə Kubokunun final oyununun keçiriləcəyi stadion müəyyənləşdi
• “Barselona” seçim qarşısında