Millimiz Serbiyadan 7 medalla dönür: 3 qızıl, 1 gümüş, 3 bürünc
22.01.2024 - 10:59
Boks üzrə Azərbaycan millisi 2024-cü ilə uğurla başlayıb.
Apasport.az xəbər verir ki, bu barədə Boks Federasiyası məlumat yayıb.
Bildirilib ki, yığmamız Serbiyanın Sombor şəhərində qız və qadın boksçular arasında keçirilən Millətlər Kubokunu 3 qızıl, 1 gümüş və 3 bürünc medalla başa vurub.
Banuçiçək Nəsirli (46 kq), Aynur Mikayılova (54 kq) və Emili Rzayeva (63 kq) qızıl, Aynur Rzayeva (81 kq) isə gümüş medalla turniri başa vurublar.
Marjona Savriyeva (50 kq), Məhsəti Ağamaliyeva-Həmzəyeva (57 kq), Şəhla Allahverdiyeva (66 kq) isə bürünc medala sahib olublar.
Qeyd edək ki, millimiz bu nəticə ilə komanda hesabında 3-cü yeri tutub.
0
0
Oxşar xəbərlər
Ana səhifə
Bütün xəbərlər
Hesabım