Mövsümün ilk yarısını uğursuz başa vuran “Neftçi” transfer çalışmalarına start verib.

Apasport.az saytının əldə etdiyi məlumata görə, Samir Abasov artıq islahatlara başlayıb.

Demək olar ki, mütəxəssis komandanın əsas problemini tapıb. “Ağ-qaralar” hələ ötən mövsümdən sağ cinahdan əziyyət çəkir. “Neftçi”nin nə sağ cinah vingeri var, nə də sağ cinah müdafiəçisi.

Abasov da transfer planlamasını məhz buna uyğun qurub. O, çıxışından narazı olduğu Andrey Ştoqrinlə yolları ayırmağa qərar verib.

Əvəzində sağ cinaha iki oyunçunun - 1 vinger və 1 müdafiəçinin alınmasını istəyib. Ştoqrinin isə yaxın günlərdə “Neftçi”dən göndərilməsi gözlənilir.

Qeyd edək ki, Andrey “ağ-qaralar”a ötən yay Roman Qriqorçukun sifarişi ilə transfer olunub.

• Yığmanın oyununa görə deputatlar iclası yarımçıq tərk etdilər
• KL-in final matçının stadionu dəyişdirilə bilər
• Çempionlar Liqası: “Qarabağ”ın potensial rəqibləri üz-üzə
• Maquayra daha bir müştəri
• Rauf Mehdiyev: "Rakov"la görüşdə Şahruddin sözünü deyəcək" - MÜSAHİBƏ