"Neftçi" qış fasiləsində ilk transferini həyata keçirib.

Apasport.az xəbər verir ki, Syerra Leone milli komandasının futbolçusu Alfa Konte ilə müqavilə imzalanıb. 23 yaşlı sol vinger "Neftçi"nin heyətində 20 nömrəli formanı geyinəcək.

Daha əvvəl də xəbər verdiyimiz kimi, uzun zamandır bu transferi bitirmək istəyən "ağ-qaralar" nəhayət ki, keçidi rəsmiləşdirib.

Alfa Konte son olaraq Bolqarıstanın "Lokomotiv" klubunda çıxış edib. O, cari mövsümdə Plovdiv təmsilçisinin heyətində meydana çıxdığı 21 rəsmi matçda 4 qol və 3 məhsuldar ötürmə ilə yadda qalıb.

• Avrokuboklarda yeni təqvim – 2023/24 mövsümü
• “Çelsi” 45 milyondan imtina etdi
• Qurban Qurbanov birlikdə oynadığı ən güclü 3 futbolçunun adını açıqladı
• Yüksək Liqada növbəti oyun keçiriləcək
• “Apasport”dan 4 uduş, “Ödənişli” kuponlarla qazanmağa davam