“Qarabağ”ın Çempionlar Liqasının II təsnifat mərhələsindəki rəqibi “Sürix” bir futbolçusu ilə yollarını ayırıb.

Apasport.az saytının İsveçrə mətbuatına istinadən məlumatına görə, yarımmüdafiəçi Ante Çoriç ölkə çempionunu tərk edib.

Ötən mövsüm “Roma”dan icarəyə götürülən 25 yaşlı xorvatiyalı yenidən İtaliya klubuna qayıdıb. İcarə müqaviləsi başa çatan Çoriç ötən mövsüm “Sürix”in heyətində 23 oyunda 1 qol, 2 assistlə yadda qalıb.

Qeyd edək ki, “Qarabağ”la “Sürix” arasında ilk oyun iyulun 19-da Bakıda, cavab görüşü isə ayın 27-də Sürixdə keçiriləcək.
 

• “Frayburq”un baş məşqçisi: “Qarabağ”ın təcrübəsi böyükdür"
• "Neftçi" yeni hücumçu transfer edib
• Messi azarkeşlərdən üzr istədi
• “Atalanta” axtardığını “Cenoa”da tapdı
• “Real”dan Asensioya XƏBƏRDARLIQ