“Qəbələ” 2024-2025-ci illər mövsümünün hazırlığını davam etdirir.

Apasport.az xəbər verir ki, “Zaqatala” ilə yoxlama oyunundan sonra iki günlük istirahətə buraxılan “qırmızı-qaralar” bu gün bir araya gələcək. Komanda hazırlığın ikinci mərhələsinə günün ikinci yarısında baş tutacaq məşqlə start verəcək.

Qəbələ şəhər stadionunda davam edəcək hazırlıq prosesində daha 4 yoxlama oyunu baş tutacaq. “Qəbələ” avqustun 16-da “Cəbrayil”, 19-da “Mingəçevir”lə üz-üzə gələcək. Digər iki matç ayın 24-də və 28-də keçiriləcək. Bu yoxlama oyunlarındakı rəqiblər hələ müəyyənləşməyib. 

Qeyd edək ki, “qırmızı-qaralar” mövsümlərarası dövrdə artıq iki görüş keçirib. Küveytin "Əl-Yarmuk" klubu ilə heç-heçə edən (2:2) "Qəbələ" “Zaqatala”ya 2:0 hesabı ilə qalib gəlib.

• Çempionlar Liqasında mövsümün qalibi kim olacaq? - SİYAHI
• “Neftçi”nin futbolçusu: “Dünyanın ən güclü qrossmeysterlərindən biri ola bilərdim”
• “Mançester Siti” qapıçısını itirə bilər
• “Mançester Yunayted”dən “Borussiya”ya təklif
• Avropa Liqası: Son 6 vəsiqənin sahibi müəyyənləşir