Beynəlxalq Şahmat Federasiyası (FIDE) yeni reytinq cədvəlini açıqlayıb.
Apasport.az xəbər verir ki, təmsilçilərimizdən Şəhriyar Məmmədyarov (2703 xal) iki pillə irəliləyərək 17-ci, Teymur Rəcəbov (2700) isə 33-cü sırada qərarlaşıb.
Siyahıya Norveç təmsilçisi Maqnus Karlsen (2832) başçılıq edir. ABŞ şahmatçıları Hikaru Nakamura (2802) ikinci, Fabiano Karuana (2793) üçüncüdür.
Qadın şahmatçılarımızdan Günay Məmmədzadə (2441) 31-ci yerdədir. O, iki pillə irəliləyib. Bir sıra geriləyən Gövhər Beydullayeva (2412) 43-cü, 13 mövqe itirən Xanım Balacayeva (2384) 60-cıdır. Ülviyyə Fətəliyeva (2369) isə 21 pillə geriləməklə 72-ci sırada qərarlaşıb.
Qadınların reytinq siyahısına çinli Yifan Hou (2633) başçılıq edir. İkinci pillədə Venjun Ju (Çin, 2563), üçüncü sırada Ley Tinqjie (Çin, 2549) yer alıb.
Oxşar xəbərlər
Ana səhifə
Bütün xəbərlər
Hesabım