“Sumqayıt” daha bir futbolçusu ilə bağlı qərarını açıqlayıb.

Apasport.az-ın klubun rəsmi saytına istinadən məlumatına görə, yarımmüdafiəçi Vüqar Mustafayev komandada saxlanılıb.

Vitse-kapitan mövsümün sonuna qədər olan müqavilə müddətini daha 3 illik uzadıb. 28 yaşlı orta sahə oyunçusu artıq 2025-ci ilin yayına qədər “gənclik şəhəri” təmsilçisinə məxsusdur.

2019-cu ildən “Sumqayıt”ın şərəfini qoruyan Vüqar Mustafayev bu müddət ərzində ümumilikdə 64 oyunda meydana çıxıb. Mustafayev həmçinin Azərbaycanın U-21, U-23 və əsas millilərinin də uğurları üçün çalışıb.

Qeyd edək ki, “Sumqayıt” bu gün kapitan Vurğun Hüseynovla da yeni 1 illik müqavilə bağlayıb.

• “Apasport”dan yutub KUPONU
• İspaniya kuponu
• Zəlzələ nəticəsində 5 türkiyəli güləşçi dünyasını dəyişib
• “Qarabağ”ın mümkün rəqibi dəqiqləşdi
• Krakov-2023: Anna finişə 3-cü çatdı