“Azərbaycan millisinə qarşı uğurlu çıxış edib, onlara çətin anlar yaşatmaq istəyirik”.

Apasport.az xəbər verir ki, bunu İsveç yığmasının futbolçusu Viktor Lindelöf Azərbaycan millisinə qarşı keçiriləcək AVRO-2024-ün seçmə mərhələ oyunu ilə bağlı təşkil edilən mətbuat konfransında deyib.

29 yaşlı müdafiəçi səfər görüşündə 3 xal əldə etməyə çalışacaqlarını söyləyib: “Təəssüf ki, final mərhələsinə çıxmaq şansımız yoxdur. Buna baxmayaraq, sabahkı oyuna eyni mentalitetlə çıxacağıq. Əvvəlki matçlarda olduğu kimi, bu dəfə də qələbə qazanmaq istəyəcəyik”.

Ulduz futbolçu səfərdə oynamağın onlara çətinlik törədəcəyini gizlətməyib: “Səfərdə oynamaq həmişə çətindir. Sabah azarkeşlər də rəqibi dəstəkləyəcəklər. Düşünmürəm ki, bu bizim üçün problem olacaq. Həm yaxşı atmosferi, həm də bunun gətirəcəyi çətinliyi səbirsizliklə gözləyirik”.

Qeyd edək ki, noyabrın 16-da Tofiq Bəhramov adına Respublika stadionunda gerçəkləşəcək Azərbaycan - İsveç görüşü saat 21:00-da başlayacaq. F qrupunda yer alan millimiz 6 oyundan sonra 4 xalla 4-cü pillədə qərarlaşıb. Hesabında 7 xal olan İsveç isə üçüncüdür.

• "Azərreyl" "Neftçi"yə qarşı
• Tuxel Noyerin durumuna aydınlıq gətirdi
• Fariz Nəcəfov: “Köçürmələr olacaq, narahatçılıq yoxdur” - MÜSAHİBƏ
• Qurban Qurbanov: “Ən böyük təcrübəm “Barselona”da oldu”
• Millimiz Avropa Kubokunda mübarizəyə başlayır