Mundiallar tarixində ən BÖYÜKHESABLI QƏLƏBƏLƏR

24.11.2022 - 09:08

İspaniya yığmasının Kosta-Rika üzərində qələbəsi (7:0) dünya çempionatları tarixində 7 və daha çox top fərqi ilə nəticələnən 11-ci oyun olub.

Apasport.az saytının məlumatına görə, IFFHS-in araşdırmasına əsasən, bu, ispanlar ilk dəfə bir matçda rəqib qapısına bu qədər yol tapıblar.

Kosta-Rika isə tarixinin ən böyükhesablı məğlubiyyət antirekordunu təkrarlayıb. Bu komanda 1975-ci ildə keçirilə yoldaşlıq görüşündə də Meksikaya 0:7 hesabı ilə yenilib.

İspaniya dünənki qarşılaşmada çərçivəyə ünvanladığı 7 zərbənin hamısında fərqlənməyə müvəffəq olub. Mundiallarda indiyə qədər heç vaxt belə göstərici görülməmişdi.

Kosta-Rika isə bir dəfə də olsun rəqib qapısına zərbə vura bilməyib. Dünya çempionatında sonuncu dəfə belə hal 1966-cı ildə yaşanıb. Onda da məhz Kosta-Rika Braziliya ilə qarşılaşmada çərçivəni nişan ala bilməyib.

İspanlar dünənki görüşdə 1000 dəqiq ötürmə verib ki, bu, DÇ-1966-dan bəri əlavə vaxt nəzərə alınmadan ən yaxşı göstəricidir.

Dünya çempionatları tarixinin ən böyükhesablı qələbələri:

Tarix	Mərhələ	Oyun	Qol sayı
17/06/1954	Qrup	Macarıstan - Cənubi Koreya - 9:0	9
18/06/1974	Qrup	Yuqoslaviya - Zair - 9:0	9
14/06/1982	Qrup	Macarıstan - Salvador - 10:1	9
12/06/1938	1/4 final	İsveç - Kuba - 8:0	8
02/07/1950	Qrup	Uruqvay - Boliviya - 8:0	8
01/06/2002	Qrup	Almaniya – Səudiyyə Ərəbistanı - 8:0	8
19/06/1954	Qrup	Uruqvay - Şotlandiya - 7:0	7
20/06/1954	Qrup	Türkiyə - Cənubi Koreya - 7:0	7
19/06/1974	Qrup	Polşa - Haiti - 7:0	7
21/06/2010	Qrup	Portuqaliya - Şimali Koreya - 7:0	7
23/11/2022	Qrup	İspaniya – Kosta-Rika - 7:0	7