Azərbaycan milllisi Monteneqronun Budva şəhərində gənclər arasında keçirilən boks üzrə dünya birinciliyində daha bir medal qazanıb.

Apasport.az xəbər verir ki, Əli Abdullayev turniri gümüş medalla başa vurub.

63,5 kq çəkidə mübarizə aparan milli üzvü finalda Abdulaziz Jurakulovla (Özbəkistan) qarşılaşıb. Görüş üçüncü raundda həkimlərin qərarı ilə dayandırılıb və rəqib qalib elan edilib. Nəticədə Abdullayev mundailı ikinci pillədə bitirib.

Bununla da milli komandamız dünya birinciliyini 5 medalla başa vurub. Əlidən öncə Bilalhəbaşi Nəzərov (48 kq) gümüş, Məhəmmədəli Qasımzadə (60 kq), Zidan Hümbətov (51 kq) və Aynur Mikayılova (57 kq) bürünc mükafat qazanıb.

Qeyd edək ki, yığmamız medal sayında mundiallar tarixində özünün ən yaxşı göstəricisinə imza atıb.

• Benzema Avropaya qayıdışı ilə bağlı danışdı
• Mahmud Qurbanov: "Fernandu Santuş təcrübəli məşqçidir"
• Kənan Kərimov: "Maksimum nəticə əldə etməyi hədəfləyirik"
• İlk dəfə kata üzrə Azərbaycan birinciliyi keçiriləcək
• “İmişli” – “İrəvan” oyunu keçirilməyəcək