Arteta "Arsenal"da rekordları sıralayır

26.11.2023 - 13:19

Mikel Arteta adını “Arsenal”ın tarixinə yazdırmağa davam edir.

Apasport.az xəbər verir ki, 41 yaşlı mütəxəssis komandanın sükanı arxasında keçirdiyi ilk 200 matçda rekord qırıb.

İngiltərə Premyer Liqasının “Brentford”a (0:1) qarşı səfər matçında qeydə alınan qələbə ispaniyalı məşqçinin 116-cı zəfəri kimi tarixə düşüb. Bununla da o, “topçular”ın əfsanəvi məşqçilərindən Arsen Vengerin nailiyyətini (200 oyunda 111 qələbə) ötmüş olub.

Qeyd edək ki, sözügedən qələbədən sonra xallarının sayını 30-a çatdıran London klubu turnir cədvəlinin ilk pilləsinə yüksəlib.