Uelsdən olan Loren və Kerrin Makni bacıları Qətərdə keçirilən dünya çempionatına qatılmaq üçün ev almaq planını təxirə salıb.

Apasport.az saytının məlumatına görə, Loren Uels millisinin oyununu izləyib-izləməyəcəyini bilmir.

O, ev almaq istəklərini bir neçə il sonra gerçəkləşdirməyə çalışacaqlarını söyləyib: “Uels yığması dünya çempionatında iştirak etdiyindən, ev almaq üçün yığdığım pulun bir hissəsini Qətərə səfər üçün xərclədim. Yenidən pul yığmaq üçün bir neçə il gözləyə bilərəm. Ancaq hələ də Uels millisinin oyununa baxmaq imkanımızın olub-olmayacağını bilmirik”.

Qeyd edək ki, DÇ-2022-nin B qrupunda yer alan Uels yığması II tur çərçivəsində İranla qarşılaşır. Britaniya təmsilçisi ilk turda ABŞ-la bərabərə qalıb - 1:1.
 

• Avropa Olimpiya Komitəsinin Rusiya və Belarusla bağlı qərarı dəyişmədi
• “Atletiko”dan “Leypsiq”ə
• Cüdoçumuz finalda uduzdu
• Jurnalistlər arasında şahmat turniri keçiriləcək
• "Sabah" - "Sent Patriks Atletik" matçına nə qədər bilet satılıb?