Hücumçu Endrik Amerika Kubokunda Braziliya millisinin heyətində debüt matçına çıxıb.

Apasport.az xəbər verir ki, "Real Madrid"in yeni futbolçusu qrup mərhələsinin ilk turunda Kosta-Rika ilə oyunda 71-ci dəqiqədə Vinisius Juniorun yerini tutaraq, ehtiyat skamyasından meydana daxil olub.

17 yaş 339 günündə Endrik Braziliyanın 105 il ərzində Amerika Kubokunda forma geyinən ən gənc debütantı oldu.

Hələ 1919-cu ildə Aqostinyo Fortes Filyo 17 yaş 251 gün olarkən Braziliya millisinin heyətində qitəmiqyaslı turnirdə çıxış edib.

Qeyd edək ki, Endrik rəsmi olaraq iyulda "Real Madrid"ə keçəcək. Əvvəllər forvard "Palmeyras"a məxsusdu.
 

• Badmintonçumuz ilk görüşündə qələbə qazandı
• Ronaldo ilə Messi “All-Star” matçında üz-üzə
• Günün KUPONU
• Qızıl Avropa Liqası üçün yığmamızın yekun heyəti müəyyənləşib
• "Atletiko"nun müdafiəçisi "İnter" və "Barselona" ilə oyunları buraxacaq