“Fənərbaxça”nın Konfrans Liqasındakı rəqibi baş məşqçi ilə yolları ayırdığını açıqlayıb.

Apasport.az xəbər verir ki, Bolqarıstan “Ludoqorets”i avrokuboklarda İstanbul klubu ilə oyuna 3 gün qala İvaylo Petevi istefaya göndərdiyini açıqlayıb.

Komandanın dünən çempionatda “Arda” ilə matçı heç-heçə (0:0) bitirməsi klub rəhbərliyinin qəzəbinə səbəb olub. Oyundan sonra baş məşqçi ilə görüşən idarə heyəti qərarını Petevə bildirib. Hazırda komanda topladığı 24 xalla turnir cədvəlinin 5-ci pilləsində yer alır.

Qeyd edək ki, Konfrans Liqasının “Fənərbaxça” – “Ludoqorets” görüşü oktyabrın 26-da keçiriləcək.

• Rafinya "Barselona"nın antirekordunu müəyyənləşdirib
• Altı oyunluq SUPEREKSPRESS
• DÇ-2022-də oynadı, İngiltərə klubuna keçdi
• Kubokun təyinatları açıqlandı
• "Bayern"də Tuxel erası başladı