FIFA ilin ən yaxşı futbolçusuna verilən “The Best” mükafatına namizədləri açıqlayıb.

Apasport.az xəbər verir ki, 2022-ci ilin ən yaxşı oyunçusu mükafatına namizədlər bunlardır: Xulian Alvares ("Mançester Siti", Argentina), Cyud Belinqhem ("Borusiya" Dortmund, İngiltərə), Kərim Benzema ("Real" Madrid, Fransa), Kevin De Bröyne ("Mançester Siti", Belçika), Erlinq Holan ("Mançester Siti", Norveç), Əşrəf Hakimi (PSJ, Mərakeş), Robert Levandovski ("Barselona", ​​Polşa), Sadio Mane ("Bayern", Seneqal), Kilian Mbappe (PSJ, Fransa), Lionel Messi (PSJ, Argentina), Luka Modriç (“Real”, Madrid, Xorvatiya), Neymar (PSJ, Braziliya), Məhəmməd Salah (“Liverpul”, Misir), Vinisius Junior (“Real" Madrid, Braziliya).

Səsvermə FIFA-nın rəsmi saytında keçirilir və fevralın 3-dək davam edəcək. Daha sonra FIFA 3 finalçının adını açıqlayacaq. Qalib fevralın 27-də "The Best" FIFA Football Awards mərasimində elan olunacaq.

Qeyd edək ki, 2020 və 2021-ci illərdə o vaxt "Bayern"də çıxış etmiş Robert Levandovski bu mükafatın sahibi olub.

• “Başakşəhər” “Qarabağ”ı keçdi – siyahıda 7 klubumuz var
• Millimizin DÇ “11-liy”i
• Rusiyalılara qarşı Ukrayna bayrağı rəngli forma və...
• 25 oyuna dəqiq MƏRC
• "Axmat" yeni baş məşqçinin adını açıqlayıb