İkardi "Fənərbaxça" ilə matçı buraxacaq

16.09.2024 - 11:42

Super Liqa təmsilçilərindən "Qalatasaray"da zədələnən Mauro İkardinin müalicəsi Argentinada davam edir.

Apasport.az xəbər verir ki, təcrübəli mərkəz hücumçusunun tezliklə Türkiyəyə dönəcəyi gözlənilir.

Argentinalının 2 həftə sonra "Qalatasaray" formasını geyinə biləcəyi bildirilib.

Bu halda o, Super Liqanın 6-cı həftəsində baş tutacaq "Fənərbaxça" matçında forma geyinə bilməyəcək.

İkardinin yenidən meydana çıxması üçün vaxt lazımdır. Argentinalı futbolçunun tam hazır olana qədər oynamaq istəmədiyi bildirilib.

Qeyd edək ki, İstanbul derbisi sentyabrın 21-də Şükrü Saraçoğlu stadionunda keçiriləcək.

Əlirza Əlirzalı

0 0