“Qalatasaray” azarkeşlərinə daha bir müjdəli xəbər Tanquy Ndomebeledən gəlib.

Apasport.az xəbər verir ki, yayda “Tottenhem”dən icarə əsasında komandaya qoşulan fransız futbolçu oyunu ilə tənqidlərə tuş gəlirdi.

Amma milli komandaların oyunları üçün verilən fasiləni yaxşı dəyərləndirən 26 yaşlı yarımmüdafiəçinin məşqlərdə istəkli olması məşqçilər heyətinin sevincinə səbəb olub. Hətta baş məşqçi Okan Buruk futbolçu ilə görüşərək ona güvəndiyini və bu şəkildə davam edəcəyi halda qarşıdakı oyunlarda iştirak etmək şansının artdığını deyib. İstedadlı oyunçunun motivasiya problemi yaşadığını düşünən baş məşqçi çətin matçlarının olduqlarını vurğulayaraq hazır bir Ndombelenin komandaya çox böyük fayda verəcəyinə inanır.

Qeyd edək ki, artıq çəkidən də əziyyət çəkən orta xətt oyunçusu bu mövsüm 7 matçda cəmi 123 dəqiqə meydanda olub.

• Millimiz Polşa ilə yoldaşlıq görüşü keçirəcək
• Rəşad Sadıqov: "Futbolçularıma təşəkkür edirəm"
• “Qarabağ”ın ötən mövsüm avrokuboklardan əldə etdiyi gəlir açıqlandı
• Əfsanəvi futbolçu klub prezidenti OLDU
• Danimarka KUPONU