Pep Qvardiola Çempionlar Liqasındakı uğurlu seriyasına davam edir.

Apasport.az xəbər verir ki, “Mançester Siti”nin baş məşqçisi qitənin ən nüfuzlu klub turnirində 17 matçdır məğlub olmur.

52 yaşlı mütəxəssisin komandası dünən evdə İsveçrə “Yanq Boyz”unu 3:0 hesabı ilə məğlub etdi. Bununla da ispan məşqçinin 2022-ci il sentyabrından başlayan seriyası 17-yə çatıb.

Qeyd edək ki, yalnız üç baş məşqçi Çempionlar Liqasında daha uzun seriya nümayiş etdirib. Lui van Qal və Ottmar Hitsfeld ardıcıl 19 matçda məğlubiyyətsizliyə sevinib. Rekord isə “Mançester Yunayted”in əfsanəvi məşqçisi Aleks Ferqyusona məxsusdur. “Qırmızı şeytanlar” şotlandiyalının rəhbərliyi altında 25 matçda məğlubiyyət üzü görməyiblər.
 

• “Beşiktaş” Türkiyə millisinin futbolçusunu icarəyə götürür
• Avropa çempionu zədələnib
• DÇ-2022: Mümkün erkən finallar
• Millinin sabiq hücumçusuna yeni təyinat
• Xavi bu şərtlərlə "Barselona"da qala bilər