“Mançester Yunayted”in hücumçusu Kriştiano Ronaldo PSJ-yə transferi istisna etməyib.

Apasport.az saytının məlumatına görə, 37 yaşlı superulduz “L'equipe” nəşrinə müsahibəsində Fransaya köçməyinin mümkünlüyünü vurğulayıb.

Portuqaliya millisinin üzvü Paris klubu ilə bağlı arzusunu gizlətməyib: “Qapının açıq olduğunu bilirəm. Özümü “Park de Prens”də 50 min portuqaliyalı mühacirin önündə oynayarkən xəyal edə bilirəm. Əla olardı”.

2018-ci ildə “Qızıl top”u qazanmadığı zaman karyerasını bitirməyi düşündüyünü etiraf edən Ronaldo bir il sonra “Real”dan “Yuventus”a transferi riskli addım adlandırıb.

Qeyd edək ki, bu mövsüm “Mançester Yunayted”in heyətində 16 oyunda 3 qol, 2 assistlə yadda qalan Kriştiano Ronaldo qış fasiləsində komandasını dəyişmək arzusundadır.
 

• PSJ yeni baş məşqçini nə vaxt təqdim edəcək?
• Dina seçim etdi: Messi, yoxsa Ronaldo?
• Mərakeş Portuqaliyanı da turnirdən kənarlaşdırdı - YENİLƏNİB
• Mbappe Polşa ilə matçda oynaya bilər
• “Tottenhem” “qiymət öldürür”