“Fənərbaxça”nın heyətindən kənarda qalan braziliyalı mərkəz müdafiəçisi Rodriqo Bekao yanvar ayında “Fiorentina”ya transfer oluna bilər.

Apasport.az "La Gazzetta dello Sport"a istinadla xəbər verir ki, A Seriyası təmsilçisi müdafiə xəttini gücləndirmək üçün Bekaonu qış transfer pəncərəsinin prioritet hədəflərindən biri kimi müəyyənləşdirib. 

Bekaonun yanvarda “Fənərbaxça”dan ayrılması artıq real variant hesab olunur və futbolçu ilə Portuqaliya klublarından birinin də maraqlandığı bildirilir.

Braziliyalı futbolçunun agentinin danışıqları sürətləndirmək üçün hazırda İtaliyada olduğu irəli sürülüb.

29 yaşlı müdafiəçi ilə “Fənərbaxça”nın müqaviləsi 30 iyun 2028-ci ilədək qüvvədədir.

• "Liverpul" ardıcıl 7 oyundur ki, məğlub olmur
• "Beşiktaş" Temmi Abrahamın transferini rəsmiləşdirib
• Azər Məmmədov : "Legioner limitinin birdən-birə tam olaraq ləğvinin əleyhinə idim"
• Avarçəkmə üzrə açıq Bakı birinciliyi keçiriləcək
• Neymar: "İlk dəfədir ki, psixoloji yardım axtarmaq məcburiyyətində qalıram"