Bundesliqa təmsilçilərindən "Bayer"in futbolçusu Florian Virtz karyerasını İngiltərə Premyer Liqasında davam etdirə bilər. 

Apasport.az xəbər verir ki, bu barədə məşhur insayder Fabritsio Romano məlumat yayıb. 

Təcrübəli mütəxəssis Virtzlə "Mançester Siti" arasında danışıqların başladığını bildirib.

Bundan öncə "Bayer"in yarımmüdafiəçisinin valideynləri ilə birlikdə Mançesterdə Xosep Qvardiola ilə görüşdüyü barədə xəbər yayılmışdı.

Romanonun sözlərinə görə, Virtz və ailəsi həqiqətən də "şəhərlilər"in nümayəndələri ilə danışıqlar aparmaq üçün İngiltərəyə gəliblər, lakin Qvardiolanın özü orada olmayıb.

Qeyd edək ki, 22 yaşlı almaniyalı bu mövsüm bütün turnirlərdə 44 oyuna çıxıb, 16 qol, 15 asistlə yadda qalıb. 

• "Qalatasaray" Muslera ilə protokol imzaladı: Əfsanəvi qapıçı göz yaşlarını saxlaya bilmədi - VİDEO
• Futbolda 5 fevral təsadüfü: Bu tarixdə doğulanlar ulduz olurlar
• Tedesko: “Nkunkunun Türkiyəyə gəlməsi real görünmür”
• Uilyams Premyer Liqaya keçmək istəyir - 5 klub maraqlanır
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB