“Neftçi” ilk oyunla müqayisədə bu gün daha yaxşı oyun göstərdi. Amma biz 4 topdan üçünü sanki öz qapımızdan keçirmişik”.
Apasport.az saytının məlumatına görə, bunu Tbilisi “Dinamo”sunun baş məşqçisi Kaxaber Sxadadze Çempionlar Liqasının I təsnifat mərhələsində “Neftçi” ilə keçirilən oyundan sonra deyib.
Tbilisidə olduğu kimi, Bakıda da meydanı 1:2 hesablı məğlubiyyətlə tərk edən Gürcüstan çempionu mübarizəni Konfrans Liqasında davam etdirəcək.
Sxadadze oyunsonrası mətbuat konfransında fikrini bu sözlərlə davam etdirib: “Bu nəticələr bizim buraxdığımız səhvlər nəticəsində oldu. Mən isə belə səhvləri bağışlamıram”.
- Daxili birincilikdən fərqli avrokuboklarda uğur qazana bilmirsiniz. Bunu nə ilə izah edə bilərsiniz?
- Burada hər kəsin günahı var. Konkret kimisə günahlandırmaq olmaz.
- “Neftçi”nin gücünü o qədər də yüksək qiymətləndirmədiniz. Bu komandanın növbəti mərhələdə “Olimpiakos” önündə şanslarını necə dəyərləndirirsiz?
- 4 qoldan 3-nü öz qapımızdan vurduq deyəndə öz səhvlərimizi nəzərdə tuturdum. “Neftçi”ni, onun prezidentini çox gözəl tanıyıram. Bizim dostluq münasibətimiz var. Bu komandanın növbəti mərhələdəki çıxışı barədə danışmaq istəməzdim.
- Nələr olsaydı, mərhələni keçən tərəf siz olardınız?
- Heç bir komandaya yaraşmayan bu qədər ciddi səhvlər etdik. Hər iki görüşdə penaltidən qol buraxdıq.
- Samir Abasov vaxtilə sizin futbolçunuz olub. Keçmiş yetirmənizə hər iki görüşdə məğlub olmaq necə hissdir?
- Futbol komanda oyunudur, boks deyil. Samirlə mən dalaşmamışıq. İki komanda oynadı, bizim komanda uduzdu.
Oxşar xəbərlər
Ana səhifə
Bütün xəbərlər
Hesabım