Bu gün futzal üzrə Yüksək Liqada XIII turun oyunları keçirilib.

Apasport.az saytının məlumatına görə, Bakı İdman Sarayında 5 oyun baş tutub.

Günün ilk matçında yarışın lideri “Araz” “Xızı Futzal”ı 10:2 hesabı ilə darmadağın edib. Mükafatlara iddialılardan “Neftçi” “Record club”un müqavimətini çətinliklə qırıb – 6:5.

“Premier”lə “Bakı” arasında dueldə komandalar hərəyə 5 qol vursa da, qalib müəyyənləşməyib. “Marafon” “Baku Fire”ni qısa müddətdə ikinci dəfə məğlub edib – 8:3. 

Günün ən məhsuldar oyunu autsayderin iştirakı ilə keçirilib. EKOL “Yasamal”ı 15:2 hesabı ilə yenib.

Yüksək Liqa
XIII tur
19 dekabr

“Xızı Futzal” – “Araz” - 2:10
Hakimlər: Əli Cəbrayılov, Ceyhun Hüseynov, İsgəndər Əliyev
Bakı İdman Sarayı. Saat 12:00

“Neftçi” – “Record club” - 6:5
Hakimlər: Anar Fərəcov, Nail Nağıyev, Fuad Həsənov
Bakı İdman Sarayı. Saat 14:00

“Premier” – “Bakı” – 5:5
Hakimlər: Mehman Mahmudov, Xəlil Xəlilov, Elmir Quluzadə
Bakı İdman Sarayı. Saat 16:00

“Marafon” – “Baku Fire”- 8:3
Hakimlər: Azər Əsgərov, Ziya Nəsirov, Hacıəli Ağayev
Bakı İdman Sarayı. Saat 18:00

EKOL – “Yasamal” – 15:2
Hakimlər: Ramiz Məhərrəmov, Knyaz Əmiraslanov, Elvin Ağayev
Bakı İdman Sarayı. Saat 20:00